Էջմիածնի քյուֆթան և նրա պատրաստելը

Քյուֆթայի սառեցված մասսան կարելի է երկար ժամանակով պահել խորը սառեցման դեպքում, եթե պահպանեք (-22 և ավելի սառնություն):Եթե արտաքինից քյուֆթայի գույնը սկսում է գունափոխվել ու մուգանալ, դա նշանակում է ,որ սառեցումը ճիշտ չի կատարվում: Քյուֆթան եփելուց մեկ օր առաջ այն պետք է սառցարանից հանել, այնուհետև մոտ մի 2 ժամ հետո վրայի ցելեֆոնը  դանակով պարտադիր կտրել հեռացնել, ու թողնել, որ ինքն իրանով հալվի ու հետ գա: Եթե հալվելուց հետո քյուֆթայի մեջ տեղ տեղ կնկատվի սեռի գույն, այն վտանգավոր չի ու ծփելուց կվերանա (երևույթը բնորոշ է բոլոր տեսակի մսամթերքներին, պարզապես այն քյուֆթայի մեջ պարզ ե երևում):Քանի դեռ քյուֆթայի մասսայի մէջ կան սառցի կտորներ, այն չի կարելի ծփել կամ եփել (կփսորվի): Քյուֆթան եփելուց 2 ժամ առաջ ձեռքով ծփել մոտ 1 րոպե: Այնուհետև ըստ ճաշակի 1 կգ քյուֆթային 1 գլուխ սոխի հաշվարկով մանր կտրատած սոխ խառնել ու նորից ծփել մոտ 1 րոպեի չափ:   Գործողությունը վերջացնելուց հետո քյուֆթան պարտադիր կերպով մոտ 1 ժամ պետք է թողնել սառը կամ հով տեղ, որպեսզի այն պնդանա: (երբեք փչովի սառնարաններում քյուֆթա չդնեք): Քյուֆթային ՉԻ ԿԱՐԵԼԻ խառնէլ  ոչ աղ, ոչ ձու, ոչ ալյուր,  ոչ խմիչքեղեն և ոչ էլ այլ կողմնակի բաներ:  Ինչ ամանի մեջ էլ որ քյուֆթան եփվի, ջուրը պետք է լցվի մոտ 15 սմ: Քյուֆթան պետք է գցել սառը ջրի մեջ: Եթե տաք ջրի մեջ քյուֆթա գցեք, այն կփսորվի: Քյուֆթան ջրի մեջ պետք է գցել սալաթնիցային նմանվող որևե ամանով, այն նախորոք ջրի մեջ թրջելով: 2 կիլոգրամ քյուֆթայից 3 գունդ: Քյուֆթան գցելուց հետո ամանի բերանը փակել ու մարմանդ եռով սպասել, մինչև որ մսի քյափքը հավաքվի: Քյափքը հավագել հեռացնելուց հետո ամանի բերանը մի քիչ բաց թողնել և կրկին մարմանդ եռով սպասել մոտ 40րոպե: 40 րոպեից կտրեք գնդերից ամենամեծը: եթե կենտրոնում կարմիր չի, ապա քյուֆթան պատրաստ է: Չմոռանաք քյուֆթայի հետ սեղանին դնել կարագ, սև պղպեղ, կանաչի և ամենակարևորը՝ մեր ավանդական Լավաշը: Ավելացած քյուֆթայի գնդերը ջրից հանեք, այն կիսեք երկու մասի ու նորից գցեք նույն ջրի մեջ, որպեսզի ջրի հետ կամացից սառի: Սառելուց հետո այն փաթաթեք ցելեֆոնով և պահեք սառնարանում ,հետագա օրերին կարագով տապակելու համար